Sunil Ghule

अप्रतिम चित्रपट ! अत्यंत काटेकोर पटकथा आणि त्याबरहुकूम केलेलं चित्रण ! पात्रयोजना, अभिनय, तांत्रिक बाजू यापेक्षा वरचढ आहे दिग्दर्शकाने केलेला "रिसर्च" ! आजवर शेकडो कोर्टरूम ड्रामे पाहिले. पण ह्या सिनेमातील बारीक-सारीक तपशील भरणारे जे कोणी असिस्टंट असतील त्यांना सलाम आणि त्यांना तसं करू देणाऱ्या "जितू जोसेफ" ला मानाचा मुजरा ! या चित्रपटातील न्यायाधीशांनी आपल्या भूमिकेलाच नव्हे तर आपल्या निरीक्षणशक्तीलाही पुरेपूर न्याय दिला आहे हे विशेष. नाहीतर सिनेमातील न्यायाधीश म्हणजे ...!!! कृपया या सिनेमाचा हिंदी रिमेक करू नये ही फक्त विनंतीच नाही तर एक अपील आहे. कोणी करू इच्छित असेल त्याविरुद्ध कोर्टात जाता येईल का ?

"चित्रपट" कसा असतो हे सतीश राजवाडे जाणतो, त्याला पटकथा, संकलन, दृश्य-मांडणी, कथानकाचा एकंदर काळ-काम-वेग याचा ताळमेळ कसा "बसवावा" याची चांगली आणि सुयोग्य समज असल्याचे त्याने सिद्ध केलंय. सादरीकरणाची भट्टी व "नागरगोजे"द्वारा व्यापक मराठी प्रेक्षकापर्यंत पोहोचण्यासाठी जमवलेली व्यावसायिक गणितं यामुळे सिनेमा *बघणीय* व *ऐकणीय* होतो हे यातून उत्तम रीतीने दाखवून दिलं आहे. सर्वश्री विवेक बेळे, सतीश राजवाडे, सुहास गुजराती, सुनिल अगरवाल, राहुल भातणकर, समीर फातरफेकर ह्या कलाकारांनी ( तंत्रज्ञ हा सुद्धा कलाकारच आहे ना ?) व कथेतील पात्रांना खऱ्या अर्थाने आत्मा प्रदान करणारे सुमित, इरावती आणि नाना या सर्व जाणत्या "मानसांचे" आभार, त्यांनी आमच्या खर्च केलेल्या पैशाची व वेळेची व्याजासहित परतफेड केली. (सतीशसाठी एक विचारावंस वाटतं.... एक *मृगजळ* सोडला तर तुझ्या त्यानंतरच्या प्रत्येक कलाकृतीचा "शेवट" उरकून टाकल्यासारखा किंवा कसाबसा करून टाकल्यासारखा मला वाटत आलाय; का बरं?)