Binosh Augusthy

ആരും കണ്ടിരിക്കേണ്ട സിനിമ, ആദ്യം മുതൽ അവസാനം വരെ ത്രില്ലടിപ്പിക്കുന്ന അവതരണം. അവസാനം മാത്രം ദുഖകരമായിപ്പോയി. സത്യത്തിൽ പട്ടാളക്കാരുടെ ജീവന് ഒരു വിലയുമില്ല എന്ന് മനസിലാകും ഈ സിനിമ കണ്ടാൽ. എപ്പോൾ വേണമെങ്കിലും എന്തും സംഭവിക്കാം. ഈ സിനിമയിൽ സംവിധാനത്തിൽ കുറച്ചുകൂടി ശ്രദ്ധിക്കേണ്ട കാര്യം, എതിർ ഭാഗത്തുണ്ടായിരുന്ന അൽഖയ്ദയുടെ സ്‌നൈപ്പറിന്റെ കുറച്ച് രംഗങ്ങൾ കൂടി വേണമായിരുന്നു. ( ഏതാണ്ട് ഇതുപോലെ തന്നെ ഒരു സ്‌നൈപ്പർ ആണ് 'ബിഹൈൻഡ് ദ എനിമി ലൈൻസിൽ' ഉള്ളത് ) ആദ്യം ആ സ്‌നൈപ്പറെ ബൂസ്റ്റ് ചെയ്തും, ആയാൾ വെടിവയ്ക്കുന്നതിന്റെ റേഞ്ച് കണക്കുകൂട്ടുന്നതും. വെടി പൊട്ടിയ ദൂരത്തിൽ നിന്നും ഹീറ്റ് ഡിക്റ്റക്റ്റക്ഷൻ വഴി ആൾ നിൽക്കുന്ന സ്ഥലം പിൻപോയിന്റ് ചെയ്യുന്നതും. ക്രിസ് അയാളെ വേട്ടയാടുന്നതും കുറച്ചുകൂടി മനോഹരമാക്കാമായിരുന്നു. അതുപോലെ തന്നെ അവസാനഭാഗത്തെ ഫൈറ്റ് ഒന്നും കൃത്യമായി മനസിലാകാത്ത പോലായിപ്പോയി. എന്നിരുന്നാലും ഉഗ്രൻ സിനിമ തന്നെ.

മാമാങ്കം എന്ന് കേൾക്കുമ്പോൾ നമ്മുക്ക് തോന്നുന്ന കഥ ഒന്ന് ഇതിൽ പറയുന്നത് മറ്റൊന്ന്. ഉഗ്രൻ ഫോട്ടോഗ്രഫി; അത് മാത്രമാണ് ചിത്രം കണ്ടിറങ്ങുമ്പോൾ ബാക്കിയുള്ളത്. മാമാങ്കം എന്ന കഥയിൽ പറയാത്ത അല്ലെങ്കിൽ അറിയാത്ത ഒരു കഥയാണ് ഈ മാമാങ്കത്തിൽ പറയുന്നത്. അതും വലിച്ചുനീട്ടി ബബിൾഹം പോലായി എല്ലായിടത്തും ഒട്ടിച്ച് ഫ്‌ളാഷ്ബാക്കിന്റെ ഫ്‌ളാഷ്ബാക്കുമാക്കി പണ്ടാരമടങ്ങി. എങ്ങിനെ ഒരു ചിത്രം എടുക്കരുത് എന്നത് വിദ്ധ്യാർത്ഥികൾക്ക് പഠിക്കാൻ കെള്ളാം. ഉണ്ണിമുകുന്ദന് ഡയലോഗുകളോ അഭിനയ സാധ്യതയുള്ള സന്ദർഭ്ഭമോ ചിത്രത്തിലില്ല. ഹിസ്റ്ററി ചാനലിൽ കാണുന്ന ചരിത്രകഥ പറയുന്നതുപോലെ ഇടയ്ക്ക് കഥാപാത്രങ്ങൾ വരുന്നു പോകുന്നു. ചിത്രത്തിൽ ഉണ്ണിയും ഉണ്ണിയുമാണ് ( ബാലതാരം ഉണ്ണി ) എടുത്തു നിൽക്കുന്നത്. അവർ നന്നായി ആ വേഷങ്ങൾക്ക് ചേരുകയും ചെയ്തു, മമ്മൂട്ടി എന്ന് നടനെ എന്തിന് ഈ സിനിമയിൽ കൊണ്ടുവന്നു? അഥവ വടക്കൻവീരഗാഥയിലെ ചതിയൻ ചന്തുവിന്റെ രണ്ടാം ജൻമം കാണിക്കാനോ? എന്തരോ എന്തോ? പോരാത്തതിന് സ്ത്രീ വേഷത്തിൽ ഒരു നൃത്തവും. വായുവിൽ പറക്കുന്ന മനുഷ്യന്റെ കഥപറയാൻ ഇന്ത്യയിൽ തമിഴ്/ തെലുങ്ക് സിനിമകൾ ഉണ്ട്, മലയാളം ചിത്രം അത്രയും തരം താഴരുത്. മാമാങ്കം എന്ന ചരിത്രസത്യത്തെ മുന്നിൽ കാണുമ്പോൾ എത്ര മനോഹരമായ ചിത്രങ്ങൾ എടുക്കാമായിരുന്നു? നായർ പടയാളികൾ ഒരു ഗ്രൂപ്പായി ആയോധനകല അഭ്യസിക്കുന്നതും, അവർ മാമാങ്കത്തിന്റെ ദിവസം ഗൂഡാലോചന നടത്തുന്നതും. ഏത് വിധേനെയും ജയിക്കണം; സാമൂതിരിയുടെ തല അറുക്കണം എന്ന് ചിന്തിച്ച് പടപ്പുറപ്പെടുന്നതും എല്ലാം കാണിക്കാമായിരുന്നു. ഇവിടെ ആകെ 3 പേർ മാത്രം ചാവേറായി പോകുന്നു.!!

ഒരു ഭീകര സിനിമയുടെ അന്തരീക്ഷം സാധാരണ നമ്മൾ പ്രതീക്ഷിക്കുന്ന അതേ തരത്തിൽ സൃഷ്ടിച്ചതാണ് സിനിമയ്ക്ക് ഉള്ള പരാജയം. നേരെമറിച്ച് ഭീകരന്തരീക്ഷം ഒഴിവാക്കി ഈ സിനിമ എടുത്തിരുന്നെങ്കിൽ തനിയെ ഭീകരത കടന്നുവരുമായിരുന്നു; അങ്ങിനൊരു തീം ആയിരുന്നു ഇത്. അവസാനം വരെ സസ്‌പെൻസ് നിറഞ്ഞ സിനിമ, വില്ലൻ ആര് എന്നത് പ്രേക്ഷകർക്ക് തീരുമാനിക്കാം. ഭ്രാന്താണോ, പ്രേതമാണോ കാണിക്കാൻ ഉദ്ദേശിക്കുന്നത് എന്ന് സംവിധായകൻ ആദ്യമേ തീരുമാനിക്കേണ്ടിയിരുന്നു. ഭ്രാന്താശുപത്രിയിലെ രംഗങ്ങൾ എല്ലാം കണ്ടുമറന്ന പഴയ സിനിമകൾ പോലെ തന്നെ. മുഴുവൻ സിനിമയും ഭ്രാന്താശുപത്രിക്ക് പുറത്തേയ്ക്ക് എത്തിച്ചിരുന്നെങ്കിൽ കുറച്ചുകൂടി റിയലസ്റ്റിക്ക് ആകുമായിരുന്നു. അവസാനം ഒരു വലിയ രഹസ്യം ഉള്ളതിനാൽ കൂടുതൽ വലിച്ചു നീട്ടാതെ നായകനും, നായികയും, വില്ലനും ആയുള്ള മറ്റ് സംഭാഷണങ്ങളിലേയ്ക്ക് പോകാമായിരുന്നു. ഏതായാലും ഒന്ന് കാണുവാൻ ഉള്ള സിനിമ, അത്ര തന്നെ.