Ilango Nallamuthu

"காணெக்காணெ" போன்ற அற்புதங்களை படைத்து தொலைத்து நம் தூக்கத்தை கெடுக்கும் தாக்கத்தை ஏற்படுத்தும் மலையாள படைப்பாளிகளை என்னதான் செய்வது... ஒரே ஒரு வரி கிடைத்தால் கூட போதும். அதையே அழகிய திரைக்கதையாக மாற்றும் வல்லமை அவர்களுக்கு மட்டும் எப்படி வாய்க்கிறது..?? ஒரு மரணம் .... அது இருவருக்கு சௌகரியமாக மாறிவிட்டதோ என்ற ஒரு சந்தேகம். அதுவும் மகளை விபத்தில் பறி கொடுத்த தந்தைக்கு வந்துவிட்டால் அவன் எப்படி ரியாக்ட் செய்வான்..? இந்த ஒற்றைக்கேள்வியை சுமந்து ஒரு சினிமா... அதற்குள் ஒரு வாழ்வியல்... கனத்துக்கொண்டே போகும் சந்தேகமும், அது ஊர்ஜிதம் ஆகும் சூழலும், அதன்பின் பழிவாங்க துடிக்கும் மனதும், பைபிள் சொல்லும் மன்னிப்பின் பெருந்தன்மையும் ஆகக்கடைசியில் வள்ளுவர் சொன்ன நன்னயம் செய்து அத்தனையும் விட்டுவிடலும்.. அதியற்புதமான நிதானமான சினிமா... நடிப்பின் எல்லைகளை தொட்டு திரும்பும் சுராஜ்வெஞ்சரமூடுவும் டொவினோதாமஸும் மற்றும் சிலரும்.... காணத்தவறாதீர்கள்...

ஜெய்பீம் படம் இன்று பார்த்தேன். ஞானவேலின் இயக்கம் அருமை. தாழ்த்தப்பட்டவர்களுக்கு நடக்கும் கொடுமைகளை ஓவர் பில்ட்அப் எதுவும் செய்யாமல் எதார்த்தமாக காட்டியிருக்கிறார். செங்கனியாக சிறப்பாக நடித்திருக்கிறார் லிஜோமோல் ஜோஸ். மணிகண்டனும் தன் கதாபாத்திரத்தை உணர்ந்து நடித்துள்ளார். வழக்கறிஞர் சந்துருவாக வாழ்ந்திருக்கிறார் சூர்யா. நீதிபதிகள் முன் வைக்கப்படும் வாதங்கள் யதார்த்தமானவையாக இருந்தாலும் நம்மை ஒரு புள்ளியில் கட்டிப்போடுகின்றன. நாம் திரையில் பார்க்கையில் நீதிமன்றத்தில் அதிக காட்சிகள் காட்டப்பட்டு இருந்தாலும் புத்துணர்ச்சியூட்டுகின்றன . இப்படத்தைத் தயாரித்ததற்காகவும் இதில் வழக்கறிஞர் சந்துரு வேடமேற்று வாழ்ந்ததற்காகவும் வரலாறு தன் பக்கங்களில் அவர் பெயரை அழுத்தமாகப் பதிவு செய்துகொண்டுவிட்டது.  நூறுபேரை அடித்துத் துவைப்பதல்ல கதாநாயகத்தனம். கூர்மையான சொற்களால் அதிகார இரும்புக்கோட்டைகளைத் தகர்க்கிறாரே அதுதான் ஹீரோயிசம். அவர் உதடுகளைவிட கண்கள் அதிகம் பேசியிருக்கின்றன. சூர்யாவின் இந்தப்பதிவு நூறாண்டுகள் கடந்தும் நீடிக்கும். இப்படத்தின் தாக்கம் என்னை மிகவும் பாதித்தது. வாழ்த்துக்கள் சூர்யா & டீம்.