Fr. Sabu Issac

നല്ല ഒരു ചലച്ചിത്രം ആണ്. കുടുംബ ചിത്രം ആണ്. നന്ദനം സിനിമയിലെ ഗുരുവായൂരപ്പദർശനം പോലെ കഥ വന്ന് നിൽക്കും എന്ന് കരുതി എങ്കിലും ട്വിസ്റ്റ് ഇഷ്ടപ്പെട്ടു. ഭക്തിസാന്ദ്രവും വൈകാരികവും ആയ നിമിഷങ്ങൾ ഹൃദ്യമാണ്. ബാലതാരങ്ങൾ ഉൾപ്പെടെ മികച്ച പ്രകടനം കാഴ്ചവച്ചു.

തുറമുഖം എന്ന സിനിമ 1950 -60 കാലഘട്ടത്തിലെ തുറമുഖ തൊഴിലാളികളുടെയും തെരുവുകളുടെയും ദാരിദ്ര്യവും ഉഴിയവേലയുടെയും നേർചിത്രം വളരെ നന്നായി അവതരിപ്പിക്കുന്ന ചലച്ചിത്രം ആണ്. തൊഴിലാളിയും മുതലാളിയും തമ്മിലുള്ള അന്തരം വളരെ കൃത്യമായി രേഖപ്പെടുത്തിയിട്ടുണ്ട്. മരണം വരെ മാടിനെ പോലെ പണിയെടുത്ത് അർധപട്ടിണിൽ അന്തിയുറങ്ങി സ്വപ്നങ്ങളും മാറുവാനുള്ള സ്വാതന്ത്ര്യവും ഇല്ലാതെ രണ്ടും മൂന്നും തലമുറകൾ അനുഭവിക്കുന്ന അഭിമാനകരമായ ജീവിതത്തിന്റെ തുടർച്ച വളരെ വ്യക്തമായി മങ്ങിയ വെളിച്ചത്തിൽ അവതരിക്കുന്ന ചിത്രം ആണ്. അഭിനയം ഓരോരുത്തരുടേയും ഗംഭീരം ആയിരിക്കുന്നു. നിവിൻ പോളി അഭിനയിച്ച കഥാപാത്രം താങ്ങാനാകുന്നതിലും അധികം നെഗറ്റീവ് ആയതും ശുഭകരമായ അന്തം പ്രധാന കഥാപാത്രങ്ങൾക്ക് സംഭവിക്കാത്തതും സാധാരണ കണ്ടുവരുന്ന അമാനുഷിക രംഗങ്ങൾ തീർക്കുന്ന സ്റ്റാറിസത്തിൻറെ മസാലകൾ തീർക്കുന്ന ഒരുതരം വൈകാരിക ഗും ഇല്ലാതാക്കുന്നുണ്ട്. സംവിധാനം, സ്ക്രിപ്റ്റ്, ലൈറ്റ്, ക്യാമറ, സെറ്റ് എന്നിവ മികവുറ്റതായി തോന്നി. ഇടതുപക്ഷ അനുഭാവവും തൊഴിലാളി യൂണിയൻ സംഘാടനവും അതിന്റെ നഷ്ടങ്ങളും നേട്ടങ്ങളും ഒക്കെ അനാവരണം ചെയ്യുന്ന ഈ സിനിമ ഒരു തികഞ്ഞ വിനോദ മൂല്യം എന്നതിനപ്പുറം ദാർശനിക മൂല്യം ഉള്ള സിനിമ ആണ് എന്ന് പറയുന്നത് ആണ് ഉചിതം. സാബു ഐസക്ക് ആവണീശ്വരം

സെറിബ്രൽ പാൾസി ബാധിതയായ പാപ്പ എന്ന മകളുമായി ഒരു പിതാവ് അനുഭവിക്കുന്ന നിമിഷങ്ങളുടെ നേർക്കാഴ്ച്ചയാണ് പേരൻപ് എന്ന ചലച്ചിത്രം. പ്രകൃതിയുടെ പത്ത് പാഠങ്ങളായി അവതരിക്കുന്ന അനുഭവ തലങ്ങളുടെ ക്ലാസിക് ആവിഷ്കാരമാണ് ഈ ചിത്രം. പരമ്പരാഗത സങ്കല്പങ്ങളുടെ പുനർവായനകളെ ഒരു സ്ക്രീൻ അനുഭവമാക്കിത്തീർത്ത ഡയറക്ടർ റാം & ടീം മികച്ച അനുഭവം നമുക്ക് നല്കുന്നു. ശ്രീ രാജലക്ഷ്മി ഫിലിംസിന്റെ ബാനറിൽ 2018 ൽ തമിഴിൽ വിവിധ ഫിലിം ഫെസ്റ്റിവലുകൾ കടന്ന് 2019 ൽ തിയറ്ററുകളിൽ എത്തി. പാപ്പയായി സാധനയും പിതാവായി മമ്മൂട്ടിയും ഒരു പ്രധാന കഥാപാത്രമായ മീരയായി അഞ്ജലി അമീറും അഭിനയിച്ച ചിത്രം നമ്മുടെ മനസ്സിൽ ചലനങ്ങൾ സൃഷ്ടിക്കുന്നുണ്ട്.