Ganesh Kondala

*వాల్మీకి 2.5/5* *అంతరిక్షం, ఫిదా,తొలిప్రేమ,F2* లాంటి కొత్త కధలు, సరికొత్త కధనాలతో జెట్ స్పీడ్ తో వెళుతున్న *వరుణ్ తేజ్* కెరీర్ ఈ సినిమా అనే స్పీడ్ బ్రేకర్ ను తాకి నెమ్మదించింది. అయితే ఈ సినిమా విజయావకాశం ఎంత వరకు ఉంటుదనేది ప్రక్కన పెడితే వరుస క్లాస్ ప్రేమకథల తరువాత ఒక మాస్ కధ *వాల్మీకి o/o గద్దలకొండ గణేష్* పాత్ర నటన, హావభావాలు, శరీర బాష, అలంకరణ కొత్తగా ఉండడంతో *మెగా ప్రిన్స్* భవిష్యత్తుకు ఉపయోగపడతాయి. వరుణ్, పూజాల మధ్య వచ్చిన సన్నివేశాలు తప్ప మిగిలిన సినిమా అంతా సాగదీసి ప్రేక్షకులు సహనాన్ని పరీక్షిస్తాయి. అభిమానులు ఈలల గోల మధ్య *వెల్లువొచ్చి గోదారమ్మ* పాట ఇలా వచ్చి అలా వెళ్లిపోతూ కొంతమంది అభిమానులను కూడా థియేటర్ నుండి బయటకు పంపేసింది. దర్శకుడు కధ, కధనం విషయంలో కనీస జాగ్రత్తలు తీసుకోలేదు. అవసరం లేని సన్నివేశాలు కనీసం అరగంట వరకు ఉంటాయి.నిర్మాతలు నష్టాన్ని భరించక తప్పదు. మరో హీరో అధర్వ, హీరోయిన్ పూజా హెడ్గే తప్ప మిగతా పాత్రలను గుర్తుపెట్టుకోరు ప్రేక్షకులు.

*అరవింద సమేత వీర రాఘవ* *3/5* యుధ్ధంలో గెలిచిన వాడు కాదు యుధ్ధం రాకుండా ఆపేవాడే నిజమైన వీరుడు అనే సందేశంతో తీసిన సినిమా ఇది. సినిమా టీజర్ చూస్తే జూ॥ఎన్.టి.ఆర్ శైలిలో కన్పించినా ఇది పూర్తి స్థాయి త్రివిక్రమ్ సినిమా.కేవలం ఒక్క పాటకు మాత్రమే హీరో డాన్సుకు అవకాశమిచ్చి మిగిలిన మూడు పాటలు కూడా కధలో భాగంగా వినిపిస్తాడు దర్శకుడు. జూ॥ఎన్.టి.ఆర్ తన పాత్రకు న్యాయం చేసాడు కాకపోతే కామెడీ,రొమాన్స్ లేని పూర్తి భావావేశ ప్రధానంగా ఉండడంతో తన అభిమానులు కాస్త నిరుత్సాహపడతారు. ఇక హీరోయిన్ అరవిందను టైటిల్లో కనిపించినంత బలంగా సినిమాలో చూపించలేదు, ఆమె పాత్రను మరిన్ని లోతైన సన్నివేశాలతో ఎలివేట్ చేయాల్సింది; ఉన్నంతలో పూజాహెడ్గే ఫరవాలేదనిపించింది. జగపతిబాబు తన కృూరమైన ఆహార్యంతో పాత్రను అద్భుతంగా పోషించాడు.ఇక మిగతా పాత్రలన్నీ నామమాత్రంగానే ఉంటాయి. ఈ సినిమా మొత్తం మీద ఉపయోగంలేని పాత్రను చేయడమే కాకుండా అసలు తను అసలు హీరోకమెడియన్ సునీలేనా అనేంత చెత్తగా నటించాడు & కన్పించాడు. తమన్ నేపధ్య సంగీతంతో పాటు పెనిమిటీ క్లాస్ & రెడ్డి గారు మాస్ పాటలు అద్దరగొట్టాడు. మొత్తంగా సినిమా మొదట భాగం కాస్త సాగదీసినా రెండవ భాగం తన పదునైన మాటలతో చకచకా నడిపించి సినిమాని పరవాలేదనిపించాడు త్రివిక్రమ్.

*గ్యాంగ్ లీడర్* *2.75/5* విక్రమ్.కె.కుమార్ తరహా స్క్రీన్‌ప్లే & నాని తరహా విభిన్న కధాంశం లను ఊహించుకుని సినిమాకు వెళ్ళే ప్రేక్షకులు కొంత నిరాశ చెందక తప్పదు. సినిమా క్లాస్ ప్రేక్షకులకు కొంతవరకు కనెక్ట్ అయినా మాస్ ప్రేక్షకులకు పూర్తిగా నిరాశపరిచింది. నాని హావభావాలు, గెటప్,శరీర బాష అంతా రొటీన్ గా సాగుతుంది. కధానాయిక పాత్రధారిణి ప్రియాంక సీనియర్ నటీమణులు లక్ష్మి, శరణ్యల ముందు తేలిపోయింది. ఆమె పాత్ర నిడివి పెంచి నానితో మరిన్ని సన్నివేశాలను పెట్టి ఉంటే బాగుండేది. ప్రతినాయకుడిగా కార్తికేయ నటన ఫరవాలేదనిపించినా ఆయన కెరీర్ కు పనికొచ్చే పాత్ర కాదిది. సినిమా ఫరవాలేదు అనిపిస్తుంది. మైత్రీ మూవీ మేకర్స్ కి మరో ఎదురుదెబ్బ తగిలినట్టే!!!!!!