Jishnu Das Bp

മിന്നൽ മുരളി തിയേറ്ററിൽ റിലീസ് ചെയ്യാത്തതുമൂലം ടോവിനോയ്ക്ക് ഒരു സ്റ്റാർ എന്ന നിലയ്ക്ക് എന്തെങ്കിലും നഷ്ടം സംഭവിച്ചിട്ടുണ്ടെങ്കിൽ അതെല്ലാം നികത്തി തിയേറ്ററിൽ വൻ വിജയമാവാനുള്ള എല്ലാ സംഗതികളും അടങ്ങിയ ഒരു ഗംഭീര സിനിമയാണ് #തല്ലുമാല. ഇതുപോലെ മറ്റൊരു മലയാള സിനിമ കണ്ടിട്ടില്ല എന്നുറപ്പിച്ച് പറയാൻ പാകത്തിന് മേക്കിങ് സ്റ്റൈലിലും, മ്യൂസിക്കിലും, എഡിറ്റിങ്ങിലുമെല്ലാം അടിമുടി ഫ്രഷ്നസ് തോന്നിപ്പിച്ച മസ്റ്റ് വാച്ച് പടം.❤️

ഭയങ്കര പ്രതീക്ഷയോടെ പോയി കണ്ട് നിരാശപ്പെടുത്തിയ സിനിമകളുടെ ലിസ്റ്റ് വളരെ വലുതാണ്. മാസങ്ങളും വർഷങ്ങളും കാത്തിരുന്ന് കാണുന്ന സിനിമ പ്രതീക്ഷയ്ക്ക് വിപരീതമാവുമ്പോഴുള്ള ചടപ്പ് ഊഹിക്കാവുന്നതേയുള്ളൂ. അതുകൊണ്ടിനി ഒരു പടത്തെയും അമിത പ്രതീക്ഷകളുമായി സമീപിക്കില്ല എന്ന് തീരുമാനമെടുത്താലും ചില സിനിമകൾ വരുന്ന സമയത്ത് അതെല്ലാം മറന്നുപോവും. എന്നിട്ടാ സിനിമ അത്തരം പ്രതീക്ഷകൾക്കെല്ലാം മേലെപ്പോയാലോ ? പഴയ ഹാപ്പി ജാമിന്റെ ആഡിൽ ഉള്ള പോലെ 'സന്തോഷം കൊണ്ടെനിക്കിരിക്കാൻ വയ്യേ' എന്ന അവസ്ഥയായിരിക്കും. അത്തരത്തിലൊരു സന്തോഷത്തിലും Excitement ലുമാണ് ഇതെഴുതുന്നത്. പറയുന്നത് ഭീഷ്മപർവ്വത്തെകുറിച്ചാണ്. ചുമ്മാ വേറെ ലെവൽ അടിപ്പൻ പടം. തീ എന്നൊക്കെ വിശേഷിപ്പിക്കാവുന്ന അമൽ നീരദിന്റെ മേക്കിംഗ്, മമ്മൂട്ടിയുടെ അപാര Swag, ചുമ്മാ സ്ക്രീനിൽ വന്ന് പോവാൻ വേണ്ടിയല്ലാതെ കൃത്യമായി എഴുതപ്പെട്ട ഒരുപാട് ക്യാരക്ടേഴ്സ്, സുഷിന്റെ Songs and BGM. എല്ലാംകൂടെ മൊത്തത്തിൽ ഈ അടുത്തകാലത്തൊന്നും ഇത്ര രോമാഞ്ചത്തോടെ ഒരു സിനിമ തിയേറ്ററിൽ നിന്ന് കണ്ടിട്ടില്ല. Very much satisfied.🤗❤️

പാവങ്ങളുടെ ബിഗ് B കണ്ടു. അതിഗംഭീരം. ഇതുപോലൊരു സ്ക്രിപ്റ്റുമായി മലയാളികൾക്ക് മുമ്പിൽ വരാൻ ധൈര്യം കാണിച്ച സിദ്ദീഖും, സന്തോഷം, സങ്കടം തുടങ്ങി എല്ലാ വികാരങ്ങൾക്കും മുഖത്ത് ഒരേ Expression ഇട്ട് വിസ്മയിപ്പിച്ച ലാലേട്ടനുമൊക്കെ പറ്റിയാൽ ഏതെങ്കിലുമൊരു തിയേറ്ററിൽ കയറി സാധാരണ പ്രേക്ഷകരോടൊപ്പമിരുന്ന് ഈ സിനിമയൊന്ന് കാണണം. പാവം പ്രേക്ഷകരുടെ കണ്ണീര് കണ്ടിട്ടും നിങ്ങൾക്ക് ഇതുപോലുള്ള പടപ്പുകളും കൊണ്ട് വീണ്ടും വരാൻ തോന്നുന്നുണ്ടെങ്കിൽ പിന്നെ ഒന്നും പറയാനില്ല. Tip: സിനിമ കാണാൻ പോവുന്നവർ പോക്കറ്റിൽ തലവേദനയ്ക്കുള്ള ഗുളിക കരുതുന്നത്‌ വളരെ നന്നായിരിക്കും.

Dear Gautham Menon, I know you are the man behind those beautiful movies like Kaakha Kaakha and Vettaiyaadu Vilayiaadu. But I must say this, "Don't ever take a gun again" 👏 ENPT: Huge disappointment!!!

#ഒടിയൻ പലയാവർത്തി കണ്ടുമടുത്ത നായകന്റെ നാടുവിടലും, ഫ്ലാഷ്ബാക്കും, വർഷങ്ങൾക്കുശേഷം തിരിച്ചെത്തിയിട്ടുള്ള പ്രതികാരവും ഒക്കെത്തന്നെയാണ് ഒടിയന്റേയും കഥ. ഏറ്റവും ലളിതമായി പറഞ്ഞാൽ ചന്ദ്രോത്സവത്തിന് നരനിലുണ്ടായ സൃഷ്ടി. അത് ശ്രീകുമാര മേനോൻ നല്ല ഒച്ച് ഇഴയുന്ന വേഗത്തിൽ പറഞ്ഞുവെച്ചിട്ടുമുണ്ട്. അതുകൊണ്ട് അങ്ങേര് ഇന്നലെവരെ തളളിയതൊക്കെ മറന്നേക്കൂ. ഈ സിനിമയിൽ ആകെ Excite ചെയ്യിപ്പിച്ച ഫാന്റസി എലമെന്റിനു വേണ്ടി വേണമെങ്കിൽ ഒരു തവണ കാണാവുന്ന സൃഷ്ടി മാത്രമാണ് ഒടിയൻ. വലിയ അത്ഭുതങ്ങളൊന്നും പ്രതീക്ഷിക്കേണ്ടതില്ല.

#96 മനോഹരം. മനോഹരം എന്നുവച്ചാൽ ഇനിയങ്ങോട്ട് 96 എന്ന് കേൾക്കുമ്പോത്തന്നെ ആ സിനിമയെ മനസ്സിലിട്ടൊന്ന് കൊഞ്ചിക്കാൻ തോന്നുന്നത്ര മനോഹരം. ചുരുക്കം ചില സിനിമകൾ കണ്ട് തിയേറ്ററിൽനിന്ന് പുറത്തിറങ്ങുമ്പോൾ 'ഞാനീ സിനിമ കണ്ടു എന്നുപറയുന്നതിനേക്കാൾ അനുഭവിച്ചു' എന്ന് പറയുന്നതാണ് ശരി എന്ന് തോന്നിയിട്ടില്ലേ? 96ഉം ആ ഗണത്തിൽപ്പെടുത്താവുന്ന ഒരു സിനിമയാണ്. ഈ സിനിമ സമ്മാനിച്ച രണ്ടര മണിക്കൂർ സന്തോഷത്തെക്കുറിച്ച് ഇനിയും പറയണമെന്നുണ്ട്. കണ്ടതും അനുഭവിച്ചതുമൊക്കെ വരികളാക്കുമ്പോൾ എന്റെ ഭാഷാപരിമിതി ഞാൻ തിരിച്ചറിയുന്നതു കാരണം കൂടുതലൊന്നും പറയാനാവുന്നില്ല. ഒരു കാര്യം ഉറപ്പ്. വിജയ് സേതുപതി-തൃഷ ടീമും, അവരുടെ ചെറുപ്പകാലം അഭിനയിച്ച ആ രണ്ടു പേരും പിന്നെ നമ്മുടെ സ്വന്തം ഗോവിന്ദ് മേനോനും ഒരു ഗംഭീര സിനിമതന്നെ നിങ്ങക്ക് സമ്മാനിക്കും. ഫീൽഗുഡ് സിനിമകളെ സ്നേഹിക്കുന്നവർ നഷ്ടപ്പെടുത്താതിരിക്കുക.

Just came out of watching this brilliant stuff. Tom Hanks; what a man, what a performance.

തിയേറ്ററിലേയ്ക്ക് പ്രവേശിക്കുന്നത് മുതൽ അവസാനിക്കുന്നതുവരെ മുഖത്തൊരു ചിരിയുമായി സിനിമ ആസ്വദിക്കാൻ കഴിയുന്നതിന്റെ ആ ഒരു സുഖമുണ്ടല്ലോ, ഇതിനുമുമ്പ് ബൈജുവേട്ടനും, കുമ്പളം ബ്രദേഴ്സും രക്ഷാധികാരി ബൈജുവിലൂടെ തന്ന ആ സുഖം. അതുതന്നെയാണ് പൂമരത്തിലൂടെ ഗൗതമൻ - ഐറിൻ( <3 ) ടീമും തരുന്നത്. ധൈര്യമായി കാണാം.