Nippachan Uthup

Reviews and other content aren't verified by Google

മലയാളികളുടെ 'തമാശ'. അടിപൊളി. 5/5 കോട്ടയം ആനന്ദ് സെക്കന്റ് ഷോ കാഴ്ചക്കാർ : മൂന്നിൽ ഒന്ന് ( ഉറക്കെ ചിരിച്ചവർ : എല്ലാവരും ) ഒരു മലയാളം മാഷിൻ്റെ കഥ. നായകനെ സ്വാഭാവികമായും എല്ലാവരും മാഷ് അല്ലെങ്കിൽ സർ എന്ന് വിളിക്കും. സുഡാനി ഫ്രം നൈജീരിയ യിലെ ഓട്ടോക്കാരൻ ആണ് ഈ കഥയിലെ പ്രധാന സഹനടൻ . മൂന്ന് നായികമാർ , സമൂഹം എന്ന വില്ലൻ , പിന്നെ സ്വന്തം വീടും. പൊട്ടിച്ചിരിപ്പിക്കുന്ന ഫസ്റ്റ് ഹാൾഫും ഫേസ്ബുക്കിലെ അല്ലെങ്കിൽ സോഷ്യൽ മീഡിയയിലെ വൈറൽ ജനങ്ങളും. മതി, ഒരു നല്ല സിനിമയ്ക് ,മലയാളിയുടെ പഴയകാല നാടൻ സിനിമയാവാൻ വേണ്ടതെല്ലാം തമാശയിൽ ഉണ്ട്. അണിയറ പ്രവർത്തകരായ സംവിധയകനും പ്രൊഡ്യൂസറായ് സമീർ താഹീർ , ബി ജി എം ചെയ്ത റെക്സ് വിജയൻ ഇവരൊക്കെ മലയാളികൾക്ക് വേണ്ടി വീണ്ടും ഒരു വിരുന്നൊരുക്കി വെച്ചിരിക്കുന്നു. ചിലപ്പോൾ നായകനും എനിക്കും ഒരേ പ്രായം ആയതു കൊണ്ടാവാം, വിനയ് ഫോർട്ടിന്റെ ഓരോ ചലനങ്ങളും ചിരിപ്പിച്ചു. പ്രധാന വേഷം ചെയ്തവർ വളരെ നന്നായി തന്നെ അവരുടെ കഥാപാത്രങ്ങളിൽ ഒതുങ്ങയപ്പോൾ സിനിമ ഒരു കൂട്ടായ വിജയം ആവുന്നു . ചില ഫ്രെമുകൾ വളരെ മികച്ചതാണ് (അതിൽ ഒന്നാണ് നായകന്റെ സ്വർഗം ) കഥയുടെ പുതുമയേക്കാൾ ഏറെ അവതരണത്തിലെ സത്യസന്ധത തമാശ ആകാൻ ഉള്ള സംവിധായകന്റെ ശ്രമം അഭിനന്ദനം അർഹിക്കുന്നു. ഹാപ്പി ആവാൻ ഈ തമാശ മതി . നിപ്പച്ചൻ

ജോസഫ് - മനുഷ്യനേറ്റ മുറിവുകളുടെ കഥ തീയേറ്റർ : ആനന്ദ് ,കോട്ടയം സെക്കൻഡ് ഷോ: പകുതിയോളം ആളുകൾ ഓരോ മനുഷ്യന്റെയും കഥകൾ വ്യത്യസ്തമാണ് . ഓരോ സിനിമയും അത് പോലെ . വ്യക്തമായ ഉദ്ദേശ ലക്‌ഷ്യം അതാണ് ജോസഫ്. ഒരു ത്രില്ലെർ സിനിമയുടെ കുറ്റവാളിയെ കണ്ടുമുട്ടി കഴിഞ്ഞാൽ പിന്നീട് അവൻ മാത്രമാകും സിനിമ കണ്ടു കഴിയുന്നവന്റെ ഉള്ളിൽ. ലോക സിനിമകളിലെ പോലെ കേരളത്തിലും കൂർമ്മ ബുദ്ധയുള്ള ഒരു പോലീസ്‌കാരനും, തന്റെ സർവീസ് അവസാനിപ്പിച്ചിട്ടില്ല. ഓരോ പുതിയ കേസുകളും അവരെ പ്രവർത്തന സജ്ജരാക്കുന്നു . ജോജു എന്ന പോലീസ്‌കാരൻ കഴിഞ്ഞ കുറെ വര്ഷങ്ങളായി ജോജു സാധാരണമായി ചെയുന്ന പോലീസ് ജോലി വീണ്ടും വീണ്ടും അവർത്തിച്ചിട്ടും അതിന്റെ പുതുമ ചോരാതെ കാത്തു സൂക്ഷിക്കുന്ന നടൻ കയ്യടി അർഹിക്കുന്നു . പാട്ടു , പ്രണയം , അച്ഛൻ , ഭർത്താവ് , കൂട്ടുകാരുടെ തലവൻ എന്ന നായക ദൗത്യങ്ങൾ ഈ കൈകളിൽ സുഭദ്രം. ദിലീഷ് പോത്തൻ, സുധി കോപ്പ , മാളവിക തുടങ്ങി എല്ലാ അഭിനേതാക്കളും കഥാപാത്രങ്ങളായി മികച്ചു നിന്നു. അതി മനോഹര തുടക്കം സിനിമ തുടങ്ങുന്നത് ഒരു ക്രൈം സീനിലാണ് . ആകാംഷയുടെ മുൾമുനയിൽ നിർത്തുന്ന ആ രംഗം എത്ര കണ്ടാലും മതിവരില്ല. തിരക്കഥാകൃത്തിന്റെ ബുദ്ധി മുഴുവൻ 'ജോസഫ് ' സ്വന്തമാക്കുന്നതിനാൽ നമ്മൾ അവസാനം വരെ അതിലെക്കു നോക്കിയിരിക്കും. മദ്യപാനവും , ബീഡി വലിയും ഹെൽമെറ്റ് ഇല്ലാത്ത ബൈക്ക് യാത്രയും , സീറ്റ് ബെൽറ്റിടാത്ത കാറും സിനിമയിൽ ഉള്ളതിനാൽ അവർ പോലീസ്‌കാർ ആയി അഭിനയിക്കുക മാത്രമാണെന്നു മനസിലാക്കുക. പാട്ടുകളും അതിലെ രംഗങ്ങളും കൊള്ളാം . മുറിവേറ്റവന്റെ വേദന അത് കാണുന്നത് അത്ര എളുപ്പമല്ല. അടിക്കുറിപ്പ് : കഥ കുറച്ചു കൂടി മുറുക്കിയാൽ മറ്റൊരു സൂപ്പർ താരത്തിന് അന്യ ഭാഷയിൽ തകർക്കാം

പടയോട്ടം - മലയാളികളുടെ ഹൃദയത്തിലേക്ക് തീയേറ്റർ :കോട്ടയം രമ്യ , സെക്കൻഡ് ഷോ കാണാൻ ഒപ്പമുണ്ടായർ :200 ഇൽ കുറയാതെ ( ആകെ സീറ്റ് 251 ) ചെങ്കൽ രഘുവിന്റെ മുഴുനീള ഹാസ്യ ഗുണ്ടാ പടം . അപ്പൊ മുഴുവൻ അടി പിടി ചിത്രമാണോ ? ഈ ഗുണ്ട ഒരു നല്ല ഗുണ്ടയാ . കോമൺ സെൻസ് ആവോളം നിലനിർത്തുന്ന ഈ ചിത്രത്തിൽ അസഭ്യവര്ഷങ്ങളോ ഡബിൾ മീനിങ് കോമെഡികളോ ചേർത്തിട്ടില്ല . കുടുംബമായി ആസ്വദിക്കാം. എന്നാൽ കള്ളുകുടി, സിഗരറ്റ് വലി ഉള്ളതിനാൽ കുട്ടികൾ ദയവായി സീറ്റ് ബെൽറ്റ് ധരിക്കാനും മദ്യം വിഷമാണെന്നും പുക ഹാനികരമാണെന്നും തിരിച്ചറിഞ്ഞാൽ അവരെയും കൂട്ടാം . സ്ക്രിപ്റ്റിലെ മികവും സംവിധാനത്തിലെ തികവും ഒരു നിമിഷം പോലും സിനിമ അനാവശ്യമായി ചുറ്റി കറങ്ങി ഒരിടത്തു തന്നെ നിൽക്കുന്നില്ല. നീലാകാശം ഏറെയുള്ള ചിത്രത്തിൽ ഗുണ്ടകൾ സഞ്ചരിച്ചുകൊണ്ടേ ഇരിക്കുന്നു. മലയാള ഭാഷയും ഗുണ്ടകള്ക്കൊപ്പം തിരുവന്തുപുരം മുതൽ കാസർഗോഡ് വരെ സഞ്ചരിക്കുന്നു . ചേരുവകൾ യഥേഷ്ടം ഓർത്തു ചിരിക്കാനും സന്തോഷിക്കാനും സിനിമ ക്ലിഷെകളെ ക്ലിഷെകൾ കൊണ്ട് തന്നെ പൊളിച്ചെടുക്കുന്ന പടയോട്ടം തുടക്കം മുതൽ അതീവ ശ്രദ്ധയോടെ നെയ്തെടുത്ത ഒരു നല്ല സിനിമ അനുഭവം പ്രേക്ഷകന് സമ്മാനിക്കുന്നു. ഇവിടെ ട്വിസ്റ്റ് ഉണ്ട് , സൗഹൃദം പോലെ കുടുംബ സ്നേഹം തുല്യ പ്രാധാന്യത്തോടെ നിലനിൽക്കുന്നു എന്നത് എടുത്തു പറയാതെ വയ്യ. ചെങ്കൽ രഘു മുതൽ ഡൊമിനിക് വരെ ബിജു മേനോൻ ,ദിലീഷ് പോത്തൻ ,സൈജു കുറുപ്പ്, അനു സിത്താര , ലിജോ പെലിശ്ശേരി , സുധി കോപ്പ , ആനന്ദ് രാധാകൃഷ്ണൻ വരെ എല്ലാവരും സഭ്യമായും അവസോരിചതമായും അഭിനയിച്ചു എന്നത് നാളെ ഈ സിനിമയെ സൂപ്പർ ഹിറ്റ് ആകാൻ പോന്ന ഘടകങ്ങൾ ആണ് . ഒറ്റ തവണ കാണാൻ തീയേറ്ററിൽ തന്നെ പോണം . ബാക്കി തവണ ടോറന്റിലും ടി വി യിലും കണ്ടു രസിക്കാം. "ഇത് മാസ്സ് അല്ല ക്ലാസ് ആണ് " അടിക്കുറിപ്പ് : ഷാജി പാപ്പന് ഒരു കോംപെറ്റിഷൻ ആയി .