Santosh Shetty

Reviews and other content aren't verified by Google

ಸಪ್ತ ಸಾಗರದಾಚೆ ಎಲ್ಲೊ - Side B ----------------------------------------------- ಪ್ರೀತಿಸಿದ ಹುಡುಗಿಯನ್ನು ಮದುವೆಯಾಗುವ ಬಯಕೆ; ಅವಳ ಕನಸನ್ನ ನನಸಾಗಿಸುವ ತವಕ; ಅದರಿಂದಾಗಿ ತೆಗೆದುಕೊಳ್ಳುವ ಆತುರದ ನಿರ್ಧಾರ...ಕೊನೆಗೆ ಅಮಾಯಕ ಮುಗ್ಧ ಯುವಕ ಮೋಸದ ಜಾಲದಲ್ಲಿ ಸಿಲುಕಿ ಒದ್ದಾಡುವ ಕಥೆ (Side A)...... ಪ್ರೀತಿಯ ಆಳವನ್ನಾರಿತ ಸಹೃದಯಿಗಳಿಗೆ ಮನಕಲುಕುವಂತಿತ್ತು. ಹಾಗಂತ ಚಿತ್ರ ದೌರ್ಬಲ್ಯಗಳಿಂದ ಹೊರತಾಗಿದೆ ಎನ್ನುವಂತಿಲ್ಲ. ಸಾವಧಾನವಾಗಿ ಸಾಗುವ ಕಥೆ ಪ್ರೇಕ್ಷಕನ ತಾಳ್ಮೆಯನ್ನು ಪರೀಕ್ಷಿಸಿದರೂ , ಮುಗ್ಧ ಪ್ರೀತಿಯನ್ನು ಬಿಂಬಿಸಿದ ಬಗೆ ಚಿತ್ರವನ್ನ ಯಶಸ್ಸಿನತ್ತ ಕೊಂಡೊಯ್ದಿತ್ತು. Side B: ಮುಗ್ಧತೆ ರೂಪುವೆತ್ತಂತಿದ್ದ ಮನು, ಪ್ರೀತಿಸಿದ ಹುಡುಗಿಯನ್ನ ಬಿಟ್ಟು, ಬೇರೇನನ್ನೂ ಯೋಚಿಸದ ವ್ಯಕ್ತಿ, ಇಂದು ಬದಲಾಗಿದ್ದಾನೆ - ತಾ ಅನುಭವಿಸಿದ ನೋವುಗಳಿಂದ --- ಅದೂ ಪ್ರೀತಿಗಾಗಿ. ನಿಷ್ಕಲ್ಮಶ ಪ್ರೀತಿಯ ಮಧುರತೆಯನ್ನು, ಅದರಲ್ಲಿ ಅಡಗಿರುವ ಸೌಂದರ್ಯವನ್ನು ತನ್ನ ನವಿರಾದ ನಿರೂಪಣೆಯ ಮೂಲಕ ತೋರಿಸುವಲ್ಲಿ ಯಶಸ್ವಿಯಾಗಿದ್ದಾರೆ ನಿರ್ದೇಶಕ! ಆದರೆ... ಪ್ರೀತಿಯನ್ನೇ ಹುಡುಕುತ್ತಾ, ಪ್ರೀತಿಸಿದ ಹುಡುಗಿಯ ಗುಂಗಿನಲ್ಲೇ ಸಾಯುವ ನಾಯಕ, ವೇಶ್ಯೆಯೊಬ್ಬಳೊಂದಿಗೆ ಸಲುಗೆಯಲ್ಲಿದ್ದು, ಅವಳಲ್ಲಿ ತನ್ನ ಪ್ರೇಯಸಿಯ ಕಾಣುವ ಬಗೆ, ಮೋಸಕ್ಕೊಳಗಾಗಿ ಗಟ್ಟಿಯಾಗಿರಬೇಕಾಗಿದ್ದ ಮನಸ್ಸು ಕೊನೆಗೂ ಚಂಚಲತೆಯಲ್ಲಿಯೇ ಒದ್ದಾಡಿ ಪರಿತಪಿಸುವ ರೀತಿ ಅಪ್ರಸ್ತುತ ಅನ್ನಿಸದಿರದು. ಸುಂದರ ಪ್ರೇಮ ಕಾವ್ಯ ದಂತೆ ಆರಂಭ ವಾದ ನಿರೂಪಣೆ, ಕೊನೆಯಾರ್ಧದಲ್ಲಿ "Commercial" ಆಗಿ ಪರ್ಯವಸಾನಗೊಳ್ಳುವುದು... ಚಿತ್ರದ ಮೂಲ ಉದ್ದೇಶದಿಂದ ವಿಚಲಿತವನ್ನಾಗಿ ಮಾಡಿದಂತಿದೆ. ಮೌನ ಮಾತಾಡುವಂತಿರಬೇಕಿದ್ದ ಈ ಚಿತ್ರ ಕಾಡಲಾರದು ಮನದಲ್ಲಿ - ಸಹೃದಯಿ ಪ್ರೇಕ್ಷಕನ ನಿರೀಕ್ಷೆಗೆ ಮೀರಿ !!!

ಭೂಗತ ಜಗತ್ತಿನ ಹಿನ್ನೆಲೆಯಲ್ಲಿ ಸಾಗುವ ಕಥೆ: ಬೀದಿ ಬದಿಯಲ್ಲಿ ಶವವಾಗಿ ಬೀಳಬಹುದಾಗಿದ್ದ ಗೊತ್ತು ಗುರಿಯಿಲ್ಲದ ಅಮಾಯಕ ಹುಡುಗ - ಶಿವ, ಸಮಾಜದ ನಿರ್ಲಕ್ಷ್ಯ ಕ್ಕೊಳಗಾಗಿ, ನೋವನ್ನ ಅನುಭವಿಸಿ, ಕೊನೆಗೂ ರೌದ್ರ ನಾಗಿ ಬದಲಾಗುವ ಸನ್ನಿವೇಶ ! ತನ್ನಂತೆ ಅನಾಥನಾಗಿರುವ , ಆದರೆ ತನಗೆ ಯಾವುದೇ ಸಾಮ್ಯತೆ ಇಲ್ಲದಿರುವ ಇನ್ನೋರ್ವ ಹುಡುಗ- ಹರಿ ಜತೆ, ಗೆಳೆತನವ ಬೆಳೆಸಿ, ಮುಂದೊಂದು ದಿನ ಇಡೀ ಮಂಗಳೂರಿನ ಭೂಗತ ಜಗತ್ತನ್ನು ನಿಯಂತ್ರಿಸುವ ಮಟ್ಟಕ್ಕೆ ಬೆಳೆಯುತ್ತಾನೆ. ಆ ಕ್ರೌರ್ಯದ ಹಾದಿಯಲ್ಲಿಯೇ, ಈರ್ವರೂ, ತಮ್ಮ ಅವನತಿಯನ್ನ ಕಾಣುತ್ತಾರೆ. "ಮಾತು' -'ಮೌನ'ವಾಗಿ, 'ಮೌನ' ಚಿತ್ರದ ಜೀವಾಳವಾಗುತ್ತದೆ!! ಚಿತ್ರದಲ್ಲಿ ಆಡುಭಾಷೆಯ ಪದಗಳು ಆಕ್ಷೇಪಾರ್ಹವಾಗಿ ಕಾಣದೆ, ಭೂಗತ ಜಗತ್ತಿನ ಕಥೆಗೆ ಶೋಭೆ ತರುವಂತಿದೆ. ರಾಜ್ ಶೆಟ್ಟಿಯ ಅಭಿನಯ, ಆತ ಮಾಡುವ ಕೊಲೆಗಳು, ಅದನ್ನ ಹಸಿಹಸಿಯಾಗಿ ತೋರಿಸಿದ ರೀತಿ, ಭಯಾನಕ ಅನ್ನಿಸುತ್ತದೆ; ಹಾಗೂ ನೈಜತೆಗೆ ಪೂರಕವಾಗಿದೆ. ಭೂಗತ ಜಗತ್ತಲ್ಲಿಯೂ ತನ್ನ ಸ್ನೇಹಕ್ಕೆ ಪ್ರಾಣವನ್ನೇ ಕೊಡುವ ಶಿವ, ಸ್ನೇಹದಲ್ಲಿ ಸ್ವಾರ್ಥ ಸಾಧಿಸುವ ಹರಿ, ನಮ್ಮೆಲ್ಲರ ಎದುರು ದೈನಂದಿನ ಜೀವನದಲ್ಲಿ ನಡೆವ ಘಟನೆಗಳ ಪ್ರತಿರೂಪವಾಗಿ ನಿಲ್ಲುತ್ತಾರೆ. ಆದರೆ.... ಕಥೆಯ ದ್ವಿತೀಯಾರ್ಧ ನಿಧಾನಗತಿಯಲ್ಲಿ ಸಾಗುತ್ತಾ, ಪ್ರೇಕ್ಷಕರ ತಾಳ್ಮೆಯನ್ನು ಪರೀಕ್ಷಿಸುತ್ತದೆ. ಮಂಗಳಾದೇವಿ ಮತ್ತು ಕದ್ರಿಯ ಪರಿಸರವನ್ನು ಮಾತ್ರ ಬಳಸಿ ಚಿತ್ರದ ದೃಶ್ಯವೈಭವವನ್ನೂ ಸೀಮಿತ ಗೊಳಿಸಿದ್ದಾರೆ. ಕೊನೆಗೂ ಹೇಳಬಹುದಾದದ್ದನ್ನು ಹೇಳಲಾಗದೆ, ಕಥೆ ಹಠಾತ್ ಆಗಿ ಅಂತ್ಯವನ್ನು ಕಾಣುತ್ತದೆ - ಹರಿ ಶಿವರ ಸಾವಿನಂತೆ! ಭೂಗತ ಜಗತ್ತಿನ ...ವಿಕ್ಷಿಪ್ತ ಮನಸ್ಥಿತಿಯ ವ್ಯಕ್ತಿಯ, ವಿಲಕ್ಷಣ ಚಿತ್ರ ; ಅಲ್ಲಿ ನಡೆಯುವ ಸನ್ನಿವೇಶ ಗಳೆಲ್ಲವೂ ವಿಚಿತ್ರ ! ......ಆದರೆ, ಅದರಲ್ಲಿಯೇ ಇದೆ ...ಈ ಚಿತ್ರಕಥೆಯ ಸಾರ್ಥಕತೆ ಕೂಡ !

Review of Kannada film "PREMAM POOJYAM" ಪ್ರೇಮಮ್ ಪೂಜ್ಯಮ್.....ಒಂದು ದೃಶ್ಯ ಕಾವ್ಯ! ತಾನು ಪ್ರೀತಿಸುವ ಹುಡುಗಿಯನ್ನು, ಆರಾಧಿಸುವ ನಾಯಕ; ಅವನ ಪಾಲಿಗೆ, ಅವಳು ಅಂಬಾರಿಯೊಳಗಿನ ದೇವತೆ ! ಕೈ ಕುಲುಕಿದರೂ, ತನ್ನ ಪ್ರೀತಿಯ ಹುಡುಗಿ ಎಲ್ಲಿ ಅಪವಿತ್ರಳಾಗುತ್ತಾಳೋ ಎಂಬ ಕಲ್ಪನೆ ! ಸುಂದರ ಎಂದುಕೊಂಡರೆ ....ಅದು ಸೌಂದರ್ಯವನ್ನು ಮೀರಿ ನಿಲ್ಲುವ ಸುಮಧುರ ಕಲ್ಪನೆ ;.....ಹಾಗೇನೂ ಇಲ್ಲ ಎಂದು ತಿಳಿವ ಭಾವನಾರಹಿತ ವ್ಯಕ್ತಿಗೆ, ಅವೆಲ್ಲ "ಭ್ರಮೆ"! ಸುಂದರ ಕಥಾವಸ್ತು, ನಾಯಕ ಪ್ರೇಮನ ಅಭಿನಯ, ಮಾ.ಆನಂದ್ ಮತ್ತು ಸಾಧುಕೋಕಿಲರ ಹಾಸ್ಯಭರಿತ ಮಾತುಗಳ ಹಿಂದಿನ ಭಾವನಾತ್ಮಕ ಸಂಬಂಧ, ಅದ್ಭುತ ದೃಶ್ಯ ವೈಭವ ..ಚಿತ್ರವನ್ನು ವಿಭಿನ್ನವಾಗಿರಿಸುತ್ತದೆ. ಆದರೆ......ಅನಗತ್ಯ ಹಾಡುಗಳ ಅಪ್ರಬುದ್ಧ ಸಾಹಿತ್ಯ ಕಥೆಯ ವೇಗಕ್ಕೆ ಕಡಿವಾಣಹಾಕುತ್ತ ಸಾಗುತ್ತದೆ. ಪ್ರೇಮ ಪೂಜನೀಯ ...ಎಂದು ನಾಯಕಿಗೋಸ್ಕರ ಸರ್ವಸ್ವ ವನ್ನು ನಾಯಕ ತ್ಯಾಗಮಾಡಿದಾಗ, ನಾಯಕಿಯ ನಿರ್ಲಿಪ್ತತೆ...... ಅದು...ಅವಳ ವೈವಾಹಿಕ ಜೀವನದ ಅನಿವಾರ್ಯತೆಯೇ ಆಗಿದ್ದರೂ ಅಸಹನೀಯ ಅನ್ನಿಸದಿರಲಾರದು. ಐಂದ್ರಿತಾಳ ಅನಗತ್ಯ ಪ್ರೇಮ ನಿವೇದನೆ, ವೈದ್ಯಕೀಯ ಕಾಲೇಜು ವಿದ್ಯಾರ್ಥಿಗಳ ಅಸಹಜ ನಡವಳಿಕೆ, ಅಲ್ಲಲ್ಲಿ ತುರುಕಿಸಿದಂತಿದ್ದ ತುಳು ಭಾಷೆ... ಕಥೆಯ ನೈಜತೆಗೆ ಪೂರಕವಾಗಿರದೆ, ಅಪ್ರಸ್ತುತವೆನ್ನಿಸುವನ್ತಿತ್ತು. ಅದರೂ....ಪ್ರೇಮಮ್ ಪೂಜ್ಯಮ್, ನವಿರಾದ ಪ್ರೇಮ ಕಥೆಯ ಒಂದು ಸುಂದರ ಚಿತ್ರ! I