dr kamlesh soman

Reviews and other content aren't verified by Google

तीन मित्र एव्हरेस्ट बेस कॅम्पवर ट्रेक करतात. एक साधा ट्रेक हा वैयक्तिक, भावनिक आणि आध्यात्मिक प्रवास ठरतो कारण ते त्यांच्या शारीरिक मर्यादांशी लढतात आणि स्वातंत्र्याचा खरा अर्थ शोधतात. बेस कँपवर तिघांनी आत्मज्ञान होते. तिघेही ममत्त्वातून आकाशगामी शांततेकडे झेप घेतात. अमित श्रीवास्तव, ओम शर्मा, जावेद सिद्दीकी आणि भूपेन हे ५० वर्षांपासूनचे मित्र आहेत. भूपेनचे स्वप्न त्याच्या मित्रांसह एव्हरेस्ट चढण्याचे आहे जे अमित वगळता इतर सर्वजण ज्येष्ठ नागरिक असल्याने ते फारसे अशक्य असल्याने ते गंभीरपणे घेत नाहीत. भूपेनचे अचानक हृदयविकाराच्या झटक्याने निधन होते. त्याचे कुटुंब म्हणजे त्याचे चार मित्र होते. अमितला असे आढळून येते की भूपेनच्या खोलीत त्याने एव्हरेस्टवर चढाई करण्यासाठी दोन महिन्यानंतरची सर्व तिकिटे आधीच बुक केली आहेत, तो ओम आणि जावेद यांच्याशी चर्चा करता. ते ठामपणे नकार देतात. ते त्यांच्या वयामुळे. भूपेनच्या अस्थिकलशाचे एव्हरेस्टवर विसर्जन करणे ही मोठी श्रद्धांजली ठरेल, असे अमित कसेतरी पटवून देतो. तो त्याच्या मित्रांना त्यासाठी फिटनेसचे प्रशिक्षणही देतो. प्रवास सुरू करताना जावेदची पत्नी शबिना त्यांच्या सोबत असते ज्यांना याची कल्पना नसते. त्यांची योजना आहे आणि ती कानपूरला तिच्या मुलीच्या जागी थांबेल. तर माला त्रिवेदी लखनौहून त्यांच्याशी एक अनोळखी व्यक्ती सामील होते, ती भूपेनची एके काळची प्रेयसी असते.

परिपूर्ण वाटाघाटी तत्त्वांचे एक आकर्षक पुस्तक ‘नेव्हर स्प्लिट द डिफरन्स’ हे ख्रिस वोस या ओलिस वार्ताकाराचे जीवनाच्या वाटचालीत, प्रत्येकाला सर्वार्थाने उपयुक्त ठरणारे पुस्तक आहे. ख्रिस वोस हे आंतरराष्ट्रीय एफबीआय मधील निगोशिएटर आहेत. तसेच प्रतिष्ठित बिझनेस स्कूलमध्ये पुरस्कार विजेते शिक्षक म्हणून ते कार्यरत आहेत. त्यांनी आपल्या संपूर्ण कारकिर्दीतून आपले काही अनुभव संकलित केलेले आहेत. त्यातून परिपूर्ण वाटाघाटी तत्त्वांचे एक आकर्षक पुस्तक तयार झालेले आहे. योग्य मानसिकता असणे, ही यशस्वी वाटाघाटीची गुरुकिल्ली आहे. आपले रोजचे जीवन ही वाटाघाटीची मालिका आहे. त्या वाटाघाटीसाठी तुम्ही सदैव तत्पर असले पाहिजे! उदा. कार वा फ्लॅट खरेदी करण्यासाठी वाटाघाटी करणे, वेतन ठरवणे, घर विकत घेणे, भाड्यावर फेरनिविदा करणे, आपल्या जोडीदारासोबत चर्चा करणे, या सार्‍या गोष्टींमध्ये भावनिक बुद्धिमत्ता आणि अंतर्ज्ञान यांची मोठी जरूरी असते. नेव्हर स्प्लिट द डिफरन्स हे पुस्तक तुम्हाला वाटाघाटीच्या नाजूक जगतात घेऊन जाते.

आपल्या भोवतालचे सारे जग कोलमडून पडत असताना, र्‍हास पावत असताना, आपल्या मनामध्ये समग्रतेने मानसिक, आंतरिक तसेच आध्यात्मिक परिवर्तित होत, विपुलतेच्या दिशेने सतत पुढे पुढे जात राहण्याची निकड दीपक चोप्रा आपल्या निदर्शनास आणून देतात. मोठ्या आत्मशोधकतेने वर्तमानातील प्रत्येक क्षण न क्षण संपूर्णपणे जगत, संपत्तीयोग, यशवैभव, परिपूर्णता तसेच परिपक्वतेकडे जाण्यासाठी प्रशिक्षित ते करतात. ‘धर्म आणि पैसा’, ‘पैसा आणि काम’ तसेच ‘सृजनशील बुद्धिमत्तेचा प्रवाह’ तसेच ‘आनंदाचा स्त्रोत’, प्रभावी व परिणामकारक कृतीशीलता, इच्छेचे मार्ग यावर चिंतन व्यक्त करीत दीपक चोप्रा वाचकाला भविष्यवेधी वाटचालीची दिशा व दृष्टी देतात. ‘विपुलता आणि आंतरिक पथ-मार्ग’ त्यांनी अत्यंत हळूवारपणे उलगडून दाखवला आहे. एकूणच, आपल्या आतील विपुलतेचा शोध घेण्यातच जीवनाची धर्मशीलता आहे, असे दीपक चोप्रा यांना वाटते.

अलीकडच्या काळात ‘बॉस माझी लाडाची’ ही नवी अत्यंत मिस्किल मालिका मला आवडून गेली. भाग्यश्री लिमये आणि आयुष संजीव यांनी खरोखरीच उत्कृष्ट काम केले आहे. ही नवीन कल्पना पहात असताना मला संजीवकुमारच्या ‘मनचली’ चित्रपटाची आठवण झाली. लेखनही उत्कृष्ठच आहे. आयुष जेव्हा मिस्किल आणि मनमोकळा होईल, तेवढी मालिका अधिक रंगेल. दुसर्‍या शब्दात सांगायचे झाल्यास बंदिस्तता आणि मोकळपणा, संकुचितपणा, कोंडलेपण आणि एकत्र कुटुंबपद्धती, सच्चेपणा आणि लोभीपणा यातला ताण छान रंगवला गेला आहे. माझ्या अनंत शुभेच्छा! डॉ कमलेश सोमण

प्रस्तुत पुस्तकातून रायन यांनीजीवनातील शांततेचे महत्त्व अधोरेखित केलेले आहे. आपण तर्कदृष्ट्या विचार केला पाहिजे. मुख्य म्हणजे संपूर्ण चांगुलपणात जगले पाहिजे लक्षात घ्या, माणसाच्या अंतरंगात शांतता असणे, फार फार महत्त्वाचे आहे. ज्यावेळी आपले मन समग्रपणे स्थिर व शांत होईल, ते देखील कोणत्याही नियंत्रणाशिवाय, त्यावेळी तिथे लयबद्धता आकाराला येईल! मग व्यापक असा अवकाश आणि शांतता तिथे सहजपणे अवतरेल! मानवाला शांततेचा ध्यास हजारो वर्षांपासून लागलेला आहे. हजारो वर्षे युद्धे, संघर्ष, यशवैभव आणि सत्तेची लालसा, भविष्याची चिंता तसेच तीव्रतम महत्त्वाकांक्षा आपल्याला सतत धावत ठेवते. त्यामुळे आपण सतत धावत राहतो आणि धावून धावून थकत, अशांत जीवन जगत राहतो. लक्षात घ्या, शांतता बिघडविणारेही आपणच असतो. शांतता हे आपले ध्येय असले पाहिजे! नीरव शांततेतून नवीन कल्पना वा शोध जन्म घेतात. या तीव्रतम शांततेतून आपला दृष्टिकोन आणि दृष्टी विकसित होत शुद्ध होत जाते. शांततेतून (विचाररहित) पाहण्यामुळे मनातील गोंधळ मिटतो आणि आपल्याला स्पष्ट दिसायला लागते. त्याचा फायदा असा की, सजगतेमुळे आपण समूहात असून देखील, तरल जागरूक राहून स्वतःच्या नियंत्रणात राहू शकतो. शांतता आपल्याला कलात्मक तटस्थता शिकवते! शांततेची गुरुकिल्ली रायनने या पुस्तकाच्या निमित्ताने आपल्या तळहातावर ठेवली आहे.

तुमच्याकडे अविश्वसनीय अद्वितीय अशी चैतन्यशक्ती आहे, हे कधी तुमच्या लक्षात आले आहे का? वस्तुस्थिती ही आहे की, तुम्हाला त्याचा पत्ताच नाहीये! तुम्ही तुमच्या आत खोलवर उतरा! स्वतःला जास्तीत जास्त जाणून घ्या! तुम्हाला तुमच्या आतील सर्वोच्च प्रेमाचा व क्षमतेचा शोध लागेल! पूर्ण प्रेमाने व क्षमतेनं स्वतःला आपल्या कार्यात आविष्कृत करा! बुद्ध आणि बादास बादास म्हणजे कामावर यशस्वी होण्याची गुप्त अध्यात्मिक कला बुद्ध हा आध्यात्मिक गुरुचा आदर्श आहे. तुमच्यात जर आंतरिक जागरूकता व सजगता असेल, तर तुम्ही सहजतेने, कृपेने आणि प्रवाहानेही यशस्वी व्हाल! बादास हा चेंजमेकरचा आदर्श आहे. ही अशी व्यक्ती आहे, की ती जिथे जाईल तिथे बदल घडवते. ती सदैव अग्रगण्य स्थिती-गतीत असते. बुद्ध आणि बादास हे दोन्ही आदिबंध एकत्र आले तर? तुमच्या जीवनात व व्यवसायात आमूलाग्र बदल होतील! तुम्हाला एक अलौकिक जीवनाचा अनुभव येईल. मग आनंद, सहजता, प्रेरणा आणि विपुलता यांच्या संमेलनातून यशवैभव केवळ तुमचे आणि तुमचेच असेल. या अलौकिक प्रवासात प्रभुत्त्व, आनंद, स्वातंत्र्य, समाधान आणि शांतता संपादन करण्यासाठी तुम्ही सतत कर्ममग्न रहात, सतत पुढे पुढे जात राहिले पाहिजे.

ब्रिघम यंग आणि एमोरी युनिव्हर्सिटीमध्ये शिक्षण घेतलेले, डॉ. डॅनियल क्रॉसबी हे एक मानसशास्त्रज्ञ आणि वर्तवणूक वित्त तज्ज्ञ आहेत. ते संस्था-संघटनांना, गुंतवणूकदारांना मानसशास्त्र आणि मार्केट यांच्यातील अनुबंध आणि त्यातील बारीक सारीक निरीक्षणे व निष्कर्ष समजून घेण्यासाठी सढळ मदत करतात. डॉ. क्रॉसबी यांचे विचार, कल्पना तसेच त्यांनी मांडलेल्या नवनव्या संकल्पना हफिंग्टन पोस्ट आणि रिस्क मॅनेजमेंट मॅगझिनमध्ये तसेच ुशरश्रींहारपरसशाशपीं.लेा आणि इन्व्हेस्टमेंट न्यूजसाठी मासिक स्तंभांमध्ये प्रकाशित झालेल्या आहेत. ोपीींशी.लेा डॉ. डॅनियल क्रॉसबी यांची गणना, बारा अभ्यासण्यायोग्य विचारवंतांपैकी एक म्हणून केली आहे. तसेच टॉप ४० अंडर ४० आणि मुख्य वित्ताविषयी ब्लॉगर्समध्येही त्यांना महत्त्वाचे स्थान आहे. एकूणच, वर्तवणूक वित्त, वर्तनात्मक अर्थशास्त्र, बाजार मानसशास्त्र, गुंतवणूकदार मानसशास्त्र, निर्णय घेण्याचे मानसशास्त्र, ग्राहक मानसशास्त्र, स्टॉक मार्केट मानसशास्त्र, अशा एक ना अनेक गोष्टींवर लेखकाने भरपूर लेख व पुस्तके लिहिली आहेत.

अपार धैर्य, आत्मसंयमन, न्यायप्रियता तसेच सूज्ञता व शहाणपण संपूर्ण चांगुलपणा व मानवी सद्गुणांचा सर्वोच्च दर्जा विकसित कसा करायचा, याचे स्पष्ट आणि प्रेरणादायी मार्गदर्शन! - रॉबर्ट ग्रीन, ‘मास्टरी’ या ग्रंथाचा लेखक धैर्य कशाासाठी, तर अडथळ्यांवर मात करण्यासाठी, जे योग्य आहे, न्याय्य आहे, त्यासाठी प्राणपणाने लढा देण्यासाठी, स्वेतर लोकांची वेदना, आपल्या स्पर्शाने हलकी करण्यासाठी, स्वतः बरोबरच अवतीभोवतीच्या जगतात संपूर्ण परिवर्तन घडवून आणण्यासाठी! धैर्य ही सवार्थाने सक्षम ऊर्जामयी शक्ती आहे. धैर्याची हाक वेळीच ऐका आणि त्याला योग्य तो प्रतिसाद द्या! तुमचा आस्थेचा-जिव्हाळ्याचा प्रांत आणि धैर्याने केलेली प्रत्यक्ष कृती यांच्या समन्वयातून आपल्याला मोठे यशवैभव प्राप्त होत असते. हेतूपूर्ण व ध्यासमग्न जीवनप्रवासाचा सुरेख प्रेरणादायी आराखडा! जनरल जिम मॅटीस, यू.एस. मरीन्स (रिटायर्ड) धैर्याची वस्त्रे परिधान करा! मग तुम्हाला नेहमीपेक्षा जास्त काही मिळेल, हे नक्की! जॉर्ज रेव्हलिंग

कादंबरीकार सर आर्थर कॉनन डॉयल यांनी चार कादंबर्‍या लिहिल्या! १. द हाउंड ऑफ द बास्करव्हिल्स २. द साईन ऑफ फोर ३. अ स्टडी इन स्कार्लेट ४. व्हॅली ऑफ द फोर या चार गुन्हेगारी कादंबर्‍यांपैकी द हाउंड ऑफ द बास्करव्हिल्स ही पहिली कादंबरी आहे. ज्यात गुप्तहेर शेरलॉक होम्स आहेत. आर्थर कॉनन डॉयल यांनी १९०१ मध्ये ही कादंबरी लिहिली. द हाउंड ऑफ द बास्करव्हिल्स, ही कादंबरी विशेष प्रसिद्ध आहे. ही कादंबरी द स्ट्रँड मॅगझिन (१९०१-०२) मध्ये क्रमशः प्रसिद्ध होत होती. १९०२ मध्ये ती पुस्तक स्वरूपात प्रकाशित झाली. शेरलॉक होम्स आणि त्याचे साथीदार डॉ. वॉटसन या प्रकरणाचा तपास करतात. द फायनल प्रॉब्लेम मध्ये होम्सच्या स्पष्ट मृत्यूनंतर होम्सची ही पहिलीच कादंबरी होती. द हाउंड ऑफ द बास्करव्हिल्सच्या यशामुळे ‘होम्स’ या पात्रचे पुनरुज्जीवन झाले. शेरलॉक होम्सच्या चार कादंबर्‍यांपैकी, सर्वोत्कृष्ट कादंबरी म्हणून वाचकांनी द हाउंड ऑफ द बास्करव्हिल्सला विशेषत्त्वाने स्थान दिलेले आहे.

‘अ स्टडी इन स्कार्लेट’ ही १८८७ मध्ये आर्थर कॉनन डॉयल यांनी लिहिलेली तिसरी गुप्तहेर कादंबरी आहे. या कादंबरीमध्ये शेरलॉक होम्स आणि डॉ. वॉटसन हे पहिल्यांदाच एकत्र येतात. कादंबरीच्या आशयाचे-खुनाच्या तपासाचे वर्णन डॉ. वॉटसन यांनी ‘ए स्टडी इन स्कार्लेट’ असे केलेले आहे. स्कार्लेटचा म्हणजेच शेंदरी-रक्तवर्णी रंगातला जीवघेणा खेळ, हा या कादंबरीच्या आशयाचा मुख्य भाग आहे.