Deepa Lal

ഒരുപാട് ഒരുപാട് ഇഷ്ടമായ ഒരു സിനിമ. അല്പം പോലും skip ചെയ്യാതെ പാട്ടും fight ഉം, നാടിന്റെ ഭംഗിയും ഒക്കെ ആസ്വദിച്ചു കണ്ടു.കോട്ടയം പാലാ മേഖലയിൽ ജനിച്ചു വളർന്നത് കൊണ്ടാകും ഇങ്ങനെ ഉള്ള കഥകൾ അതിശയോക്തിയുള്ളതായി തോന്നിയില്ല. സിനിമ എന്നതൊക്കെ അതിഭാവുകത കലർന്നതാണ് എങ്കിലും.. നായകൻ എന്നത് പ്രേക്ഷകന്റെ മനസിനെ തൃപ്തിപ്പെടുത്തുന്നവൻ കൂടിയാണ്. അങ്ങനെ ഒരു തൃപ്തി ലഭിച്ചു. കുട്ടികൾ ഉൾപ്പെടെ ഉള്ള എന്റെ ഫാമിലിക്കും. പ്രിത്വിരാജ് ന്റെ അഭിനയം എന്നത്തേയും പോലെ സൂപ്പർ. വിവേക് ഒബ്രോയ് തന്റെ കഴിവ് ലൂസിഫർ സിനിമയിൽ തെളിയിച്ചതാണല്ലോ. കടുവയുടെ അണിയറയിൽ പ്രവർത്തിച്ച എല്ലാവർക്കും അഭിനന്ദനങ്ങൾ ആശംസകൾ.❤️❤️❤️

സിനിമ ഇഷ്ടമായി. ആദ്യപകുതിയിൽ കഥയ്ക്ക് സ്പീഡ് അധികമായത് പോലെ തോന്നിച്ചു. പക്ഷെ ഇന്റർവെൽ ശേഷം കഥ വളരെ നന്നായി പറഞ്ഞു. നല്ലൊരു മെസ്സേജ് ആണ് ഈ കഥയിൽ പറഞ്ഞിരിക്കുന്നത്. എല്ലാ മേഖലയിലും ഒരു പ്രായമാകുമ്പോൾ വിരമനം ഉണ്ട്. പക്ഷെ രാഷ്ട്രീയത്തിൽ മരിച്ചു പോകുന്നത് വരെ കർമ നിരതരാകുന്നു. പ്രായം വർധിക്കുന്നത് അനുസരിച്ചുള്ള സ്വഭാവമാറ്റങ്ങൾ എല്ലാവരിലും ഉണ്ട്. യുവജനങ്ങൾ കർമനിരതരാണ്. വാർദ്ധക്യം ആകുമ്പോൾ ആ സ്ഥാനം പിന്നാലെ വരുന്നവർക്ക് കൊടുക്കുക എന്നത് നല്ലൊരു ആശയമാണ്. പ്രായത്തിന്റെ അസ്കിതകൾ ഭരണത്തിലും കാണിക്കുന്ന ഈ കാലഘട്ടത്തിൽ ഈ സിനിമ പറഞ്ഞു വയ്ക്കുന്ന ആശയം വളരെ ശ്രദ്ധേയമാണ്. പ്രായം മാത്രം അല്ല. നല്ല വിദ്യാഭ്യാസം കൂടി രാഷ്ട്രീയ നേതാക്കൾക്ക് വേണമെന്ന് കൂടി ആഗ്രഹിച്ചു പോവുകയാണ്. പിന്നെ എടുത്തു പറയേണ്ടത് സിദ്ധിക്ക് എന്ന നടന്റെ അഭിനയ മികവാണ്. വളരെ മികച്ച അഭിനയം 👍🏻. സിനിമ ഇഷ്ടമായി.

Cold case.. **†******* പലരുടെയും റിവ്യൂ വായിച്ചിട്ടാണ് ഈ സിനിമ കാണാൻ പോയത്. പൃഥ്വിരാജ് സിനിമകൾ ചെയ്യുന്നത് സെലക്റ്റീവ് ആയിട്ടാണ് എന്ന് കേട്ടിട്ടുണ്ട്. അതുകൊണ്ട് തന്നെ ഈ സിനിമയുടെ ട്രെയിലർ കണ്ടപ്പോൾ മുതൽ കാത്തിരിക്കുകയായിരുന്നു.നല്ലൊരു സിനിമ കാണാനായി. സിനിമ കാണാൻ ആഗ്രഹിക്കുന്നവർ റിവ്യൂ വായിക്കാതെ കാണാതെ ഇരിക്കുക. മുൻവിധിയോട് കൂടി സിനിമ കാണുന്നത് സിനിമയുടെ ആസ്വാദനീയത കുറയ്ക്കും. ഒരു പ്രേതസിനിമയുടെ തുടക്കം പോലെ സീനുകൾ ആകാംഷ ഉളവാക്കി കടന്നു പോയി. പേടിച്ചില്ല എങ്കിൽ പേടിപ്പിക്കാൻ വേണ്ടിയെന്ന വണ്ണം ബാക്ക് ഗ്രൗണ്ട് മ്യൂസിക് വോയിസ്‌ അമിതമായിരുന്നത് ഒഴിച്ചാൽ സീനുകൾ പ്രേക്ഷകരിൽ ജിജ്ഞാസ ഉളവാക്കും. പ്രിത്വിരാജ് ന്റെ സിനിമ എന്ന് പറയുമ്പോൾ കുറച്ചു ഏറെ പ്രതീക്ഷകൾ ഉണ്ടാകുമല്ലോ.പ്രിത്വിരാജ് ന്റെ കഥാപാത്രത്തിനു അധികമൊന്നും ചെയ്യാൻ ഇല്ലാത്തത് പോലെ. പ്രതിയെ ഊഹിക്കാൻ പ്രേക്ഷകർക്ക് കുറച്ചു പ്രയാസം ഉണ്ടാകുമെന്നത് അഭിനന്ദനാർഹമാണ്. എങ്കിലും പ്രതിയെ ഊഹിക്കാൻ ആയതിൽ ഒരു പ്രേക്ഷക എന്ന നിലയിൽ എനിക്ക് സന്തോഷം ഉണ്ട്. ക്ലൈമാക്സ്‌..കുറച്ചു വലിച്ചു നീട്ടൽ ഉണ്ടായിരുന്നു എന്നതൊഴിച്ചാൽ സിനിമ തരക്കേടില്ല. എല്ലാവരും പറയുന്നത് പോലെ അത്ര അവറേജ് അല്ല കണ്ടിരിക്കാം. ഒരു സിനിമ ഒരുപാട് പേരുടെ കഷ്ടപ്പാടും ജീവിതവുമാണ്. ആളുകൾ കാണട്ടെ. കാണുക. പറ്റുന്നത് പോലെ പ്രോത്സാഹിപ്പിക്കട്ടെ