Devanand S

ಬೆಟ್ಟದ ಜೀವ, ಕಾರಂತರ ಒಂದು ಸರಳ ಹಾಗೂ ಸುಂದರ ಕೃತಿ. ಹಲವು ವರ್ಷಗಳ ಹಿಂದೆ ಅಗಲಿದ ಮಗನ ಬರುವಿಕೆಗಾಗಿ ಪ್ರತಿ ದಿನವು ಕಾದು ಕುಳಿತ ವೃದ್ಧ ದಂಪತಿಗಳ ಜೀವನದಲ್ಲಿ ಆಕಸ್ಮಿಕವಾಗಿ ಆಗಮಿಸುವ ಅತಿಥಿ ಹಾಗೂ ಆತನ ಇರುವಿಕೆಯಲ್ಲಿ ಮೂಡುವ ಪ್ರಸಂಗಗಳು, ಒಂದಷ್ಟು ಹಳೆಯ ಭಾವನಾತ್ಮಕ ನೆನಪುಗಳು, ನೋವುಗಳು, ನಲಿವುಗಳ ಸುತ್ತಾ ಕುಮಾರ ಪರ್ವತದ ತಪ್ಪಲಿನಲ್ಲಿಯೇ ಶುರುವಾಗುವ ಈ ಕಥೆ ಅಲ್ಲೆಯೇ ಕೊನೆಗಾಣುತ್ತದೆ. ಈ ಕಾದಂಬರಿಯ ತುಂಬ ಮನಸ್ಸನ್ನು ಕಾಡುವ ಗಟ್ಟಿತನದ ಏಕೈಕ ಪಾತ್ರ ಗೋಪಾಲಯ್ಯ ಭಟ್ಟ. ಈ ಪಾತ್ರದ ವ್ಯಕ್ತಿತ್ವ, ಜೀವನ ದೃಷ್ಠಿ, ನಡತೆ, ಸ್ವಾವಲಂಬತೆ, ತನ್ನವರಲ್ಲದ ತನ್ನವರಿಗಾಗಿ ಮಿಡಿಯುವ ಆತನ ಹೃದಯ, ತನ್ನ ಸುಧೀರ್ಗ ಜೀವನದಲ್ಲಿ ನಿಷ್ಠೆಯಿಂದ ಆತ ತನಗಾಗಿ ಕಟ್ಟಿಕೊಂಡ ಒಂದು ಸುಂದರ ಕೃಷಿಕ ಸಮಾಜ ಇವೆಲ್ಲವೂ ಅಚ್ಚಳಿದು ನಮ್ಮನ್ನು ಕಾಡುವಂತಹವು ಹಾಗು ಕಾಡಿಸುವಂತಹವು. ನೀವು ತಪ್ಪದೆ ಈ ಕಾದಂಬರಿಯನ್ನು ಓದಿ ಹಾಗೂ ಇತರರನ್ನೂ ಸಹಾ ಓದಲು ಪ್ರೇರೆಪಿಸಿ.📖

ಈ ಕಾದಂಬರಿಯು ಕರ್ನಾಟಕದ ತುಂಗಭದ್ರಾ ನದಿ ಹಾಗೂ ಲಿಸ್ಬನ್ನಿನ ತೇಜೊ ನದಿಯ ತಟದಲ್ಲಿ ಅರಳುವ ಹದಿನೈದನೆ ಶತಮಾನದ ಸುಂದರ ಪ್ರೇಮ ಕಥೆಗಳಿಂದ ತೆರೆದುಕೊಳ್ಳುತ್ತದೆ. ಪ್ರೇಮದ ಹಾದಿಗೆ ಧರ್ಮ ಹಾಗೂ ಬಡತನವೆಂಬ ಪಿಡುಗುಗಳು ಹೇಗೆ ತೊಡಕಾಗುವವು ಎಂಬುದನ್ನು ಬಹಳ ಅಚ್ಚುಕಟ್ಟಾಗಿ ವರ್ಣಿಸಲಾಗಿದೆ. ಜೊತೆಗೆ ಅಂದಿನ ಭಾರತದ ಸ್ಥಿತಿಗತಿಗಳು, ವಿಜಯ ನಗರ ಸಾಮ್ರಾಜ್ಯದ ಆಳ್ವಿಕೆ, ಸತಿ ಪದ್ಧತಿ, ಸಮುದ್ರ ಮಾರ್ಗವಾಗಿ ಭಾರತವನ್ನು ಹುಡುಕಲು ನಡೆದಂತಹ ಪೋರ್ಚುಗೀಸರ ಪ್ರಯತ್ನಗಳು, ಸಮುದ್ರಯಾನದ ಭಯಾನಕತೆ ಹೀಗೆ ಹಲವಾರು ಸಂಗತಿಗಳನ್ನು ತನ್ನಲ್ಲಿ ಒಳಗೊಂಡಿದೆ. ಇಂತಹ ಸಂಗತಿಗಳ ನಡುವೆಯು ಅರಳಿದಂತಹ ಆ ಪ್ರೀತಿ ಕೊನೆಗೆ ತಲುಪುವುದಾದರೂ ಎಲ್ಲಿಗೆ ಎಂಬುದೆ ಈ ಕಥೆಯ ಸ್ವಾರಸ್ಯ. ನೀವೂ ತಪ್ಪದೆ ಓದಿ, ಇತರರನ್ನೂ ಓದಲು ಪ್ರೋತ್ಸಾಹಿಸಿ📖.

ಈ ಕಾದಂಬರಿ/ಚಲನಚಿತ್ರ ಚೋಮನೆಂಬ ಒಬ್ಬ ಹೊಲೆಯನ ಕುಟುಂಬ ಹಾಗೂ ಅವರ ಜೀವನ ಶೈಲಿಯನ್ನು ಕಣ್ಣಿಗೆ ಕಟ್ಟಿದಂತೆ ಬಿಂಬಿಸುತ್ತದೆ. ಗಟ್ಟಿಯಾಗಿ ನೆಲೆನಿಂತ ಈ ಸಮಾಜದ ಕೆಟ್ಟ ಕಟ್ಟಳೆಗಳಿಂದ ಹೊರಬಂದು ಕೃಷಿಕನಾಗಬೇಕೆಂಬ ಆಸೆಗಾಗಿ ಆತ ಪಡುವ ನಾನಾ ಪಾಡುಗಳು ಹಾಗೂ ಆತನ ಆಸೆಗೆ ಯಾವುದೇ ಬೆಲೆ ಕೊಡದ ಆಗಿನ ಮೇಲ್ಪಂಕ್ತಿ ಸಮಾಜದ ನಿರುಕ್ತತೆಯನ್ನು ಅಚ್ಚುಕಟ್ಟಾಗಿ ವರ್ಣಿಸಿದೆ. ಜೊತೆಗೆ ಬಡತನ, ಹೆಂಡದ ದಾಸ್ಯ, ಹೆಣ್ಣಿನ ಅಸಹಾಯಕತೆ ಹೀಗೆ ಹಲವಾರು ಜಾಡುಗಳನ್ನು ಈ ಪುಟ್ಟ ಕಾದಂಬರಿ ತನ್ನಲ್ಲಿ ಅಡಗಿಸಿಕೊಂಡಿದೆ. ನೀವೂ ತಪ್ಪದೆ ಓದಿ ಹಾಗೂ ಇತರರನ್ನೂ ಓದಲು ಪ್ರೋತ್ಸಾಹಿಸಿ📖.

Even though its a fictional story, you get lost in it. Story revolves around struggle of a women to lead a respectful life against the odds and it is heart warming. It covers subjects like poverty, child marriage, religious superstitions, drought, plague pandemic etc. After reading the book, it feels like world has seen much worst things than what we can imagine and gives a glimpse of happiness and courage to love once life. I recommend every one to read this book. Happy reading.📙