Osho Baba (bidhun)

സിനിമ തിയ്യേറ്റില്‍ കണ്ടുപേക്ഷിക്കേണ്ടതല്ലെന്നും, രണ്ടുമണിക്കൂറിനപ്പുറത്തേക്കും സിനിമയ്ക്ക് പറഞ്ഞുവയ്ക്കാന്‍ ഒരുപാടുണ്ട് എന്ന് പറഞ്ഞുതരുന്ന ചിത്രമാണ് രാജീവ് രവിയുടെ ഞാന്‍ സ്റ്റീവ് ലോപ്പസ്. ഭരണകൂടത്തിന്റെ സര്‍വ്വവിധമായ നിഷ്‌ക്രിയതയും രാജീവ് രവി സ്റ്റീവ് ലോപ്പസിലൂടെ വരച്ചുകാട്ടുന്നു, അല്ലെങ്കില്‍ തൊട്ടുകാണിക്കുന്നു. ജീവിതങ്ങളെങ്ങനെയാണ് മാറിമറിയുന്നതെന്ന് രണ്ട് മണിക്കൂറിനുള്ളില്‍ ഒതുക്കിയത് അതിമനോഹരമായെന്നുതന്നെ വേണം പറയാന്‍. അപ്രതീക്ഷിതമായ ഒരു സംഭവവികസം എങ്ങനെയാണ് സമൂഹത്തിലെ പല ഘടകങ്ങളെ ബാധിക്കുന്നതെന്ന് നമുക്ക് കാണാന്‍ കഴിയും. ഇതിലെ സര്‍വ്വ കഥാപാത്രങ്ങളെയും പലതരത്തില്‍ വായിച്ചെടുക്കാനുള്ള സ്വാതന്ത്ര്യം സിനിമ തരുന്നു. പോലീസുകാരനായ അച്ഛന്‍(അച്ഛന്‍ എന്നത് എടുത്തുപറയണം) മകനെ സംരക്ഷിക്കാന്‍ ചെയ്യുന്നതിനെ കാഴ്ച്ചക്കാരന്‍ ഏതുതരത്തില്‍ വേണമെങ്കിലും വായിച്ചെടുക്കാവുന്നതാണ്, ഒരു അച്ഛന്റെ ഭാഗത്തുനിന്നോ, അല്ലെങ്കില്‍ ഒരു നിയമപാലകന്റെ ഭാഗത്തുനിന്നോ വായിച്ചെടുക്കാം.അതുപോലെ തന്നയാണ് ഹരി എന്ന കഥാപാത്രത്തിന്റെയും വായന നടക്കേണ്ടത്. സ്റ്റീവ് എന്ന കഥാപാത്രത്തിന് വട്ടാണോയെന്ന് വരെ തോന്നുമെങ്കിലും, സ്റ്റീവ് നേരിടുന്ന മാനസിക വെല്ലുവിളികളെ മാനിച്ചാല്‍ കഥാപാത്രം വട്ടനല്ലെന്ന് മനസ്സിലാക്കാവുന്നതാണ്. സിനിമ തുടക്കം മുതല്‍ ഒടുക്കം വരെയും യാഥാര്‍ത്ഥ്യങ്ങളില്‍ നിന്ന് വഴിമാറുന്നതേയില്ല എന്നു തന്നെ വേണം പറയാന്‍. ഭരണകൂടം സിനിമയെ ഭയക്കുന്നതുകൊണ്ടാകണം ഈ സിനിമയെ ചുറ്റിപ്പറ്റിയ ചര്‍ച്ചകളും, സിനിമയ്ക്ക് അംഗീകാരവും വേണ്ടരീതിയിലെ പ്രാധാന്യവും ലഭിക്കാതെ പോയതെന്ന് വേണം കരുതാന്‍..

പടം മാസ്സ് എന്നതിനേക്കാളുപരി ക്ലാസ് ആണെന്നു പറയാം. ചാവേർ തലവനായും, സ്ത്രീ കഥാപാത്രമായും മമ്മൂക്ക തകർത്താടിയിരിക്കുന്നു. ചിത്രത്തിലെ എല്ലാ കഥാപാത്രങ്ങളും അവരവരുടെ വേഷത്തോട് പൂർണ്ണമായും നീതി പുലർത്തിയിട്ടുണ്ട്. പ്രത്യേകിച്ചും എടുത്തുപറയേണ്ട കാര്യം, ചിത്രത്തിലെ നായകൻ കളരിപ്പയറ്റും, അഭിനയമികവും കൊണ്ട് പ്രേക്ഷകരെ ഞെട്ടിച്ച പയ്യനാണ് എന്നതാണ്. ഉണ്ണീ മുകുന്ദന്റെ കരിയറിലെ മികച്ച അഭിനയമാണ് ചിത്രത്തിലുള്ളത്. അതുപോലെ ഇനിയയും കഥാപാത്രത്തെ മികച്ച രീതിയിൽ കൈകാര്യം ചെയ്തിട്ടുണ്ട്. മാമാങ്കത്തിനായി മക്കൾ പോകുമ്പോഴുള്ള അമ്മയുടെ മനസ്സ് ഹൃദ്യമായി ചിത്രീകരിച്ചിരിക്കുന്നു. കാഴ്ചകാരനെ ഒരു നിമിഷത്തേക്കെങ്കിലും ആ രംഗം മൗനത്തിലാഴ്ത്തുന്നുണ്ട്. സിനിമ ഒട്ടാകെ മാമാങ്കമാണ് എന്നു കരുതരുത്. അതിൽ ഒരുപാട് ജീവിതങ്ങളെ സിനിമ വരച്ചിടുന്നുണ്ട്. പ്രണയമുണ്ട്, മാതൃവാത്സല്ല്യമുണ്ട്. മക്കൾ സ്നേഹമുണ്ട്. അങ്ങനങ്ങനെ... ഒരു ചരിത്രകഥയെ ഇതിലുമേറെ മനോഹരമാക്കാൻ കഴിയില്ല. സെറ്റ്, വേഷം, മേക്കപ്പ്, സംസാരശൈലി എന്നിവ ചരിത്രത്തോട് പൂർണമായും നീതി പുലർത്തിയിട്ടുണ്ട്. ചരിത്രകഥ സിനിമയാകുമ്പോഴുള്ള നാടകീയരംഗങ്ങൾ മാമാങ്കത്തിലും കാണാം. എന്നാലും അത് പ്രേക്ഷകനെ രസിപ്പിക്കുന്നതിന് വിലങ്ങിടുന്നില്ല. പടത്തിന് ചെറിയ ലാഗ് ഉണ്ട് എന്നുവേണം പറയാൻ. കൂടാതെ VFX ഇതിലും നന്നായി ചെയ്യാമായാരുന്നു.

Really a fantastic movie.